معروف جنرل ہسپتال کے ایڈیشنل ایم ایس کی ڈگری ہی جعلی نکل آئی ، سارا معاملہ کیا تھا ؟ سن کر پاکستانیوں کے ہوش گم ہو جائیں گے.اہم نیوز

اینٹی کرپشن پنجاب نے جعلی ڈگری پر لاہور جنرل ہسپتال کے ایڈیشنل ایم ایس ڈاکٹر اجمل کو گرفتار کرلیا ہے ۔نجی ٹی وی کی رپورٹ کے مطابق سابق صدر ینگ ڈاکٹرز ایسوسی ایشن پنجاب اور موجودہ ایڈیشنل ایم ایس جنرل ہسپتال ڈاکٹر اجمل کی ڈگری جعلی نکل آئی(اہم نیوز)، ڈی جی اینٹی کرپشن پنجاب کا کہنا ہے کہ ہائی کورٹ سے ضمانت منسوخی کے بعد اینٹی کرپشن بہاولپور نے ملزم کو گرفتار کرکے پرچہ درج کرلیا ہے۔ڈی جی اینٹی کرپشن پنجاب کے مطابق ملزم نے 1996-97 میں ایف ایس سی کی جعلی ڈگری بنوا کر قائداعظم میڈیکل کالج بہاولپور میں داخلہ لیا، ماسٹر منظور احمد نامی شخص نے ملزم کو حیدرآباد بورڈ سندھ سے ایف ایس سی کی جعلی ڈگری بنوا کر دی جب کہ ایم بی بی ایس کے تیسرے سال قائداعظم میڈیکل کالج بہاولپور سے تگڑی سفارش کروا کے پنجاب میڈیکل کالج مائیگریشن کروالی۔ڈی جی اینٹی کرپشن پنجاب کا کہنا ہے کہ پی ایم سی (PMC) نے جب حیدرآباد بورڈ سے ایف ایس سی کی ڈگری کی تصدیق کرائی تو ڈگری جعلی نکلی جب کہ پنجاب میڈیکل کالج نے ملزم کو ایم بی بی ایس کے تیسرے سال ایکسپیل کر دیا تھا جس کے بعد ملزم نے جعلی مائیگریشن لیٹر بنوا کر بقائی یونیورسٹی حیدر آباد کے میڈیکل کالج کے فائنل ائیر میں داخلہ لے لیا اور یوں ایک سال بعد ایف ایس سی کی جعلی ڈگری پر داخلہ لینے پر ایم بی بی ایس ڈاکٹر بن گیا۔ڈی جی اینٹی کرپشن پنجاب گوہر نفیس کے مطابق ملزم نے ڈاکٹری کی ساری تعلیم اور بعد میں ساری نوکری ایف ایس ای کی جعلی ڈگری پر کی، ایف ایس ای میں ملزم کے اوریجنل نمبر 630 ہیں جوکہ میڈیکل میں داخلہ کے لئے انتہائی ناکافی ہیں جب کہ میرٹ لسٹ میں داخلے کے لئے جو ڈگری دکھائی اس پہ ملزم کے نمبر 855 تھے۔


Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 73

Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 79

اپنا تبصرہ بھیجیں