نوازشریف منی لانڈرنگ میں ملوث ہے باہر جائےگا واپس نہیں آئے گا باہر جانے سے روکنے کے لیے عدالت کے دروازے پر دستک

نواز شریف کو بیرون ملک جانے سے روکنے کے لیے عدالت میں درخواست دائر
لاہور: سابق وزیر اعظم نواز شریف کو بیرون ملک جانے سے روکنے کے لیے لاہور ہائی کورٹ میں درخواست دائر کر دی گئی۔

تفصیلات کے مطابق لاہور ہائی کورٹ میں نواز شریف کو بیرون ملک جانے سے روکنے کے لیے درخواست دائر کی گئی ہے، جس میں کہا گیا ہے کہ سابق وزیر اعظم منی لانڈرنگ میں ملوث رہے، ان کے خلاف متعدد مقدمات زیر التوا ہیں۔

درخواست میں مؤقف اختیار کیا گیا ہے کہ دیگر بیمار قیدیوں کے برعکس نواز شریف کو علاج کے لیے بیرون ملک بھجوانا امتیازی سلوک ہے، حسین حقانی کی طرح نواز شریف بھی بیرون ملک جا کر واپس نہیں آئیں گے۔

درخواست میں عدالت سے استدعا کی گئی ہے کہ نواز شریف کو بیرون ملک جانے کی اجازت درخواست پر فیصلے سے مشروط کی جائے۔

تازہ ترین:  http://ahemnewshd.com/latest/5461
واضح رہے کہ نواز شریف کا نام ایگزٹ کنٹرول لسٹ سے نہیں نکالا جا سکا ہے جس کی وجہ سے آج ان کی لندن کے لیے بک ہونے والی ٹکٹیں منسوخ ہو گئی تھیں، گورنر پنجاب چوہدری محمد سرور نے میڈیا سے خصوصی گفتگو میں یقین دلایا کہ آج نواز شریف کا نام ای سی ایل سے نکال دیا جائے گا۔

دوسری طرف ن لیگ نے نواز شریف کا نام ای سی ایل سے نکالنے میں تاخیر پر تشویش کا اظہار کیا ہے اور کہا ہے کہ اس سے ان کی زندگی کو خطرات لاحق ہیں۔


Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 73

Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 79

اپنا تبصرہ بھیجیں