خاتون نیوز رپورٹر کے ساتھ لائیو کوریج کرتے ہوئے کیا ہوا کہ ۔۔۔۔وڈیو سوشل میڈیا پر وائرل

تبلیسی: جارجیا میں براہ راست ٹی وی نشریات کے دوران رپورٹر کے ساتھ غیر اخلاقی حرکت کرنے والے شہری کو گرفتار کرلیا گیا۔

بین الاقوامی میڈیا رپورٹس کے مطابق تھامس کلاوے نامی شخص کو سرعام خاتون کو جنسی طور پر ہراساں کرنے کے الزام میں گرفتار کیا گیا ہے، ملزم نے امریکی ٹی وی کی خاتون رپورٹر کو براہ راست نشریات کے دوران نامناسب طریقے سے چھوا تھا۔

رپورٹر بوزارجین اپنی پیشہ وارانہ امور کی انجام دہی کے سلسلے میں ایک میراتھن کی کوریج کررہی تھیں اور وہ براہ راست ٹی وی پر ناظرین کو صورتحال سے آگاہ کرنے میں مصروف تھیں کہ اس دوران واک میں حصہ لینے والے شخص نے انہیں چھو لیا۔

اچانک ہونے والی اس غیر معمولی حرکت پر رپورٹر چونک گئی اور وہ ایک لمحے کے لیے اپنے ساتھ پیش آنے والے واقعے پر سکتے میں آگئیں، بعدازاں رپورٹر نے واقعے کی فوٹیج کے ساتھ سوشل میڈیا پر اپنے سے پیش آنے والے واقعے کی تفصیل لکھی اور شہری کی جانب سے نامناسب رویے پر سخت برہمی کا اظہار کیا۔

یہ ویڈیو سوشل میڈیا پر وائرل ہوگئی اور صارفین اپنے اپنے انداز میں اس پر ردعمل دینے لگے جب کہ ٹی وی نے بھی اپنی رپورٹر کے ساتھ پیش آنے والے واقعے کو سنجیدگی سے لیا اور باقاعدہ شکایت درج کرائی جس پر پولیس نے ملزم کو شناخت کرکے گرفتار کرلیا۔


Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 73

Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 79

اپنا تبصرہ بھیجیں