داتا دربار دھماکے میں کس کا ہاتھ ھوسکتا ھے صوبائی وزیر صمصام بخاری نے بتا دیا

لاہور(اہم نیوز) صوبائی وزیر اطلاعات و ثقافت سید صمصام علی بخاری نے کہا ہے کہ داتا دربار پر خودکش حملے میں غیر ملکی ہاتھ کو خارج از امکان قرار نہیں دیا جا سکتا۔ دہشتگردی پر سیاست کرنے والوں کو خدا کا خوف کرنا چاہیے۔ انہوں نے کہا کہ پاک فوج،پولیس اور شہریوں نے ملک و قوم کیلئے جانیں دیں۔ دہشتگردی کی سرکوبی کیلئے ذرائع ابلاغ کا کردار قابل ستائش ہے۔صوبائی وزیر نے اپنے ایک بیان میں کہا کہ نواز لیگ دہشتگردی پر بات کرنے سے پہلے اپنے پنجاب کے صدر کو دیکھے۔
دہشتگردوں کا کوئی مذہب نہیں،ہر طرف سے نقصان اسلام کا ہے۔ انہوں نے کہا کہ نواز لیگ اپنی سیاست بچانے کیلئے ہاتھ پاؤں مار رہی ہے۔ ملک لوٹنے والوں کی سیاست کا دیا بجھا چاہتا ہے۔
صوبائی وزیر نے کہا کہ نون لیگ کے بہت سارے لوگ پریشان دکھائی دیتے ہیں۔کوئی ڈیل نہیں ہو گی،ان کا مقدر جیل ہی ہے۔نوازشریف کو جیل لے جانے والے جلوس میں ہزاروں کا دعوی کرنے والے سینکڑوں بھی اکٹھے نہیں کر سکے۔صوبائی وزیر نے کہا کہ کرپشن اور بدعنوانی کے داغ نو لیگ کی قیادت کا پارٹی کے خاتمے تک پیچھا نہیں چھوڑیں گے۔ نوازشریف اور ان کی صاحبزادی کے پاس اپنی صفائی میں کہنے کو کچھ ہوتا تو وہ ضرور جلوس کے شرکاء کو آگاہ کرتے۔ انہوں نے کہا کہ قوم مطمئن ہے کہ قومی خزانے سے کھلواڑ کرنے والے قانون اور آئین کے تقاضوں کے مطابق دوبارہ جیل میں پہنچ گئے ہیں۔


Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 73

Notice: Undefined variable: aria_req in /home/ahemnew1/public_html/wp-content/themes/Ahmad Theme/comments.php on line 79

اپنا تبصرہ بھیجیں